Anna Rís Fíl Creator

Var myrt fyrir tveimur árum síðan, erfir Línu að dularfullum pakka sem sendir hana af stað í lífshættulega leit.

Tegund: Hálfur skapari með tortímandamátt
Máttur: Jörð, gat m.a. látið ræturnar vaxa upp úr jörðinni og vefjast utan um andstæðingana rétt eins og æðsti skapararinn Afternoon Tea getur gert.
Aldur: 18 (látin)
Foreldrar: Cre-Tar (upprunalegt nafn: Phílípus) Concequences Creator og Crea-Títa (upprunalegt nafn: Evíta) Rís Fíl Creator, sem var eytt fyrir tíu árum síðan af föður Línu, honum Des.
Systkini: Phílíus Rís Fíl

Heitbundin Bobbý Concequences

Crea Afternoon Creator

Upprunalegt nafn: Lýra Aftermath

Tegund: Heill skapari
Máttur: Virðist geta brotið niður stein með augnaráðinu einu saman, einnig gler og þrjóska dóttur.
Mamma Línu, fósturmamma Önnu og eiginkona öflugasta tortímandans sem hvarf fyrir tíu árum.
Vinnur sem ritari í alheimshöfuðstöðvunum.
Foreldar: Cre-Atar, byggingarhönnuður og skaparasögukennari á eftirlaunum (afi Línu)
Cre-Atienne, dýralæknir á eftirlaunum, (amma Línu).  Þau búa heima hjá henni.
Systkini: Engin sem hún veit um.
Aldur: 34
Elskar/þolir: Fjölskylduna, besta vinkona hennar er Ríta Question, núverandi Críta Light.
Hatar/þolir ekki: að fjölskyldan hennar sé að stefna sér í hættu, Ó mama, tímarit sem hlutgerir kvenfólk, lygi.

Dreymir um að dætur sínar séu öruggar og eðlilegt líf.

Nightmare Dawn

Upprunalegt nafn Sylvester Light.

Sjötti æðsti skapari og þar með sá lægsti í röðinni en lætur eins og hann ráði öllu.  Er undir gríðarlegri pressu að halda æðsta skapara sætinu í fjölskyldunni, þar sem það hafði í heilar tvær kynslóðir misst af því vegna glæpsins sem að langafi hans, Horror Dawn framdi.

Myndin sem hangir uppi af langafa Nightmare, Horror Dawn í hásætissal æðstu skaparanna.  Nightmare er sagður líkjast honum í útliti og hegðun.

Ásamt því að vera æðsti skapari, er Nightmare líka leyfissköpunarkennari og umsjónarkennari A-bekks,  þeirra sem skara fram úr námi. 

Tegund: Heill skapari
Aldur: 79
Máttur: Ekki vitað en líklegast vatn.
Foreldrar: Strangtrúaðir Hreinsarar, Sóphía Light eldri og Tómas Light eldri. Látin.
Maki: Crea-Ta (upprn. Tamíra Guilt Creator, kölluð Tammý). Tekin af lífi fyrir að vita hættulegan sannleik.
Systkini: Yngri bróðir og uppeldissonur Sydney Dawn, 35 ára.
Börn: Einn sonur, Tómas Light Dawn, 35 ára.
Barnabarn: Sóphía Light og þó hann segi það ekki upphátt, þá lítur hann líka á Phílí sem barnabarn sitt, þar sem afi hans var besti vinur hans.


Elskar/þolir: Hunda, skriffinnsku, að finna upp tæki, fjölskyldu sína þó hann sýni það ekki og þá sem hann telur sem fjölskylduna sína, sem hann sýnir reyndar ekki heldur, heldur mikið upp á afbragðs nemendur og var systir Phílís, Anna Rís Fíl uppáhalds nemandi hans.  Það var honum því mikið áfall þegar að hún fannst látin fyrir tveimur árum síðan.
Hatar/þolir ekki: guðinn Sunrise, tortímendur, Línu (það er þó ekkert persónulegt), reglubrjótara, mótmælendur, þá sem ógna friðinum, createísinn og alla tímaþjófa.  Fólk með engan metnað. Að vera æðsti skapari.  Að Tea skuli vera svona mikil raggeit og ekki passa betur upp á að fjölskyldan sé ekki að ógna friðinum.

Dreymir um eilífan frið.

Afternoon Tea

Upprunalegt nafn: Billý Desire Creator.


Þriðji æðsti af æðstu sköpurunum og langafi Línu.  Á sextán börn með mismunandi konum en veit bara um afkomu yngsta sonar síns, Descrets, þar sem móðir hans yfirgaf hann og Tea þurfti að ala hann upp.

Sonur hans, Descret, er talinn mesti svikari í sögu skaparanna, þar sem hann skapaði öflugasta tortímandann, pabba Línu, Destroy Destroyer (kallaður Des) og ætlaði að nota hann sem vopn til að steypa æðstu sköpurunum af stóli.

Hann var tekinn af lífi fyrir 25 árum síðan og tortímandinn tekinn frá honum.

Ásamt því að vera æðsti skapari er hann líka skaparasögukennari.

Tegund: Heill skapari

Aldur: 501

Máttur: Jörð, getur m.a annars látið trjárætur spretta upp úr jörðinni og vefjast utan um andstæðinga sína, látið jörðina hristast en einnig bara skapað falleg blóm.  Eins og allir skaparar getur hann líka læknað.

Foreldrar: Ósköp venjulegir teræktendur og enginn skilur hvernig Tea gat orðið æðsti skapari án þess að vera af æðsta skaparaætt.

Maki:  Crea-Níta S. Creator (upprunalegt nafn Aníta), móðir Descrets.  Var tekin af lífi fyrir að mótmæla og berjast fyrir réttindum tortímenda.

Börn: Á sextán börn en þekkir bara eitt þeirra, Descret sem var tekinn af lífi fyrir 25 árum síðan, sextugur að aldri. 

Systkini:  Enginn sem vitað er um.
Elskar/þolir: Te, fjölskylduna sína, að kenna, drekka te, tala um te, hugsa um te.
Hatar/þolir ekki: Kaffi, hvað hann er vanmáttugur og að Nightmare þurfi að vera svona vondur við alla.

Vildi óska þess að hann gæti verið sterkari og lifað í friði.

Cre-Tes Títós Rís Fíl Creator

Illmenni bókaflokksins en Lína heldur að hann sé að vernda hana sem að hann er vissulega líka að í vissum skilningi.

Móðurbróðir Phílíusar og Önnu  Rís Fíl, höfuð Rís Fíl ættarinnar og ríkasti maðurinn í Create.
Stjórnandi tortímandabúðanna Credes og fangelsins Dauðans.  Foringi Hreinsara Heimsins sem vill láta gereyða öllum tortímendum.

Tegund: Heill skapari (fullorðin skapari með fulla krafta) 

Máttur: Getur læknað, stjórnað (en ekki vitað hvernig), annar máttur er óþekktur.  Notar mikið svifdiska.  

Aldur: 60

Maki:  Crea-Tína Rís Fíl (upprunalegt nafn Tína Tyranny)

Börn:  Crea-Sta (upprunalegt nafn Síesta-29 ára) og Cre-Títós (upprunalegt nafn Títós-39 ára).  Bæði fullorðin en búa enn hjá foreldrunum í Rís Fíl setrinu. 

Foreldrar:  Cre-Tes (uppr.nafn Tetes eldri) og Crea-Títa (uppr. nafn Evíta eldri.)  Látin.

Systkini: Catharíanna og Evíta.  Báðar látnar.

Elskar/ þolir: Línu virðist vera og dóttur sína Síestu, kunni vel við systurdóttur sína, Önnu Rís Fíl og var sleginn þegar hún var myrt.  Erfitt að segja til um hvað hann vill.
Hatar/þolir ekki: Son sinn, Títós, systurson sinn, Phílíus, eiginkonu sína Tínu, tortímendur, allt tengt tortímendum, Nightmare, Tea, alla hina æðstu skaparana, Sydney Dawn, Phílípus Concequences og virðist vera upp á kant við flesta.

Hann er að fela eitthvað.

Æðstu skapararnir

Aftast á myndinni: Sunrise Hope.  Frá hægri til vinstri: Plea, Tea, Betrayal, Truth og Nightmare.

Æðsta vald heimsins, heimstjórn og skólastjórn.  Æðstu skaparnir eru sex og eru eftirtaldir í tignarröð, sá æðsti er fyrstur og sá lægsti neðstur.

1. Sunrise Hope, 1000 ára gamall guð.
2. Morning Plea, 850 ára.
3. Afternoon Tea, 501 árs.
4. Evening Betrayal, 350 ára.
5. Night Truth, 180 ára.
6. Dawn Nightmare, 79 ára.

Phílíus Phílípus Rís Fíl Creator

Ein af aðalpersónum bókaflokksins, er af flestum kallaður Phílí.  Nágranni og skólabróðir Línu.

Tegund: Hálfur skapari með tortímandamátt.

Máttur:Blandar saman tortímanda (hiti) og skaparamætti (efni, súrefni) saman og fær því eld.  Getur skapað og eytt. 

Aldur:15 ára

Foreldrar: Cre-Tar (upprunalegt nafn: Phílípus) Concequences Creator og Crea-Títa (upprunalegt nafn: Evíta) Rís Fíl Creator, sem var eytt fyrir tíu árum síðan af föður Línu, honum Des.  En þrátt fyrir það hatar Phílí ekki tortímendur heldur virðist þvert á móti dást að þeim og dreyma um að verða einn.

Systir hans, Anna Regína Evíta Phílía Rís Fíl Creator (Anna Rís Fíl-18 ára) er sögð hafa framið sjálfsmorð fyrir tveimur árum síðan en Phílí stendur fast í þeirri trú að hún hafi verið myrt og ætlar hann að gera allt sem í sínu valdi stendur til að finna morðingja hennar og hefna hennar.

Systir hans fannst sálarlaus úti í frumskógi og ætlar Phílí að finna þann sem tók sálina hennar og sálina sjálfa.


Elskar/líkar við: Createísinn, að teikna myndasögur (Ó mama og Óvini Decre), brjóta reglurnar og pirrra Nightmare, elskar Línu en veit ekki að tilfinningarnar eru gagnkvæmar.  Dreymir um að ganga til liðs við andspyrnuhreyfinguna.
Hatar/þolir ekki: Nightmare, æðstu skaparana-fólk sem ráðskast með hann og fer illa með aðra, sérstaklega tortímendur.  Cre-Tes, móðurbróður sinn og blóðkál.  Að vera komið fram við hann eins og krakka og vera kallaður lítill.  Vera heitbundin Sóphíu Light gegn vilja sínum.


Minningar Phílís eru í rugli.    

Anna Fíl Destroyer

Ein af aðalpersónum bókaflokksins.  Þó að hún sé tortímandi sem hefur bara verið í tvö ár (en er samt 13 ára) kallar Lína hana litlu systur sína.


Tegund: Hálfur tortímandi.

Aldur: 13 ára.  Sköpuð 11 ára og hefur því bara verið til í tvö ár.

Máttur:  Getur breytt sér í fljúgandi vopn (flugskeyti, steinvölu os.frv)  Einnig getur hún látið rætur spretta upp úr jörðinni og vefjast utan um andstæðinga sína.

Sagt er að hún hafi verið sköpuð af afa og ömmu Línu fyrir tveimur árum síðan.  Örfáir vita sannleikann um sköpun Önnu.


Elskar/líkar við: Línu, systur sína, karamellu, að fylgja reglunum þegar það á við (getur alveg verið sveigjanleg), læra (er sjálflærð, má ekki ganga í skóla þar sem hún er tortímandi), lesa bækur og myndasögur, sérstaklega Ó, mama.
Hatar/þolir ekki: súkkulaði, að Lína og Phílí skuli sífellt vera að stefna sér í hættu og ögra æðstu sköpurunum með hegðun sinni.  Stendur stuggur af Cre-Tesi. 

Önnu virðist vanta ákveðnar minningar.

Lína Afternoon Descret

Aðalpersóna bókaflokksins og sú sem að bókaflokkurinn er nefndur eftir, en hún er kölluð Descret í höfuðið á afa sínum þó að alvöru eftirnafn hennar sé Descre.

Eini skaparatortímandinn sem vitað er um en tortímendur eiga ekki að geta skapað og því ætti hún í raun ekki að vera til.

Tegund: Hálfur skapari og hálfur tortímandi.  

Aldur: 15 ára

Máttur:  Eldingar og rafmagn, hreinn eyðingarmáttur. Getur skapað og læknað, breytt sér í flugskeyti þegar hún heldur í hönd Önnu.

Foreldrar: Crea Aftermath (upprunalegt nafn: Lýra- heill skapari) og Destroyer Afternoon Destroyer (Des- öflugasti tortímandi) sem hvarf fyrir tíu árum síðan eftir að hann eyddi mömmu Phílís.


Elskar/líkar við:  Súkkulaði, Phílí en veit ekki að tilfinningarnar eru gagnkvæmar, forboðnu myndasöguna Óvini Decre.  Að semja lög og söngtexta.
Hatar/þolir ekki: Nightmare, fólk sem er vont við tortímendur, skólann, umsjónarkennara sinn og nágranna, stelpurnar í skólanum sem leggja hana í einelti vegna uppruna hennar, Sóphíu sem er heitbundin Phílí vegna samninga, tortímandagrautinn (eiturgrænn næringarríkur grautur sem tortímendur eru neyddir til að nærast á).

Línu virðist vanta ákeðnar minningar.